كيفية اختيار وسيط فوركس جيد لبدء التداول

اهلا بك ياصديقي معني انك هنا هي ثقتك الغالية في موقعنا التي اتشرف بها . اليوم ساتحدث معك عن كيفية اختيار وسيط فوركس جيد لبدء التداول  .

هل تريد اختيار وسيط جيد لتداول الفوركس .

اهلا بك معنا نحن هنا لنرشدك في هذه العملية فهي ليست بالسهلة والبسيطة بل انها عملية معقدة وتحتاج منك الي الانتباه الي كل ماأقوله لك في هذا المقال بعناية

فهات كوباية الشاي او القهوة وركز معايا يابرنس في كل كلمة بقولها اول حاجة لازم تعرفها هي التراخيص الحاصلة عليها في الفوركس وهناك اربع تراخيص مهمة

بص عشان تعرف معني التراخيص ، التراخيص دي بتاعت شركات الوساطة انا هشرحهالك بطريقة بسيطة
لو انت عايز تفتح محل او مطعم لازم تراخيص حكومية عشان تفتح المحل وكذلك هي هذه التراخيص بالنسبة لشركات وساطة الفوركس ويجب عليها الحصول علي هذه التراخيص

كيفية اختيار افضل نظام وأحسن استراتيجة في الفوركس

أهم تراخيص الفوركس وأفضلها

لكي تحصل علي دليل قانوني لمزاولة النشاط الخاص بك .
وهناك عدة تراخيص اهمها
1- ترخيص nfa , وهو ترخيص امريكي وهو أقوي ترخيص لشركات الفوركس علي مستوي العالم ، وهو شرط للتداول في أمريكا.
2- ترخيص fca وهو ترخيص بريطاني ويعتبر من ثاني أهم التراخيص في تراخيص الفوركس .
3- ترخيص mifid وهو ترخيص للخدمات المالية للاتحاد الأوروبي ويجب ان تكون الشركة حاصلة عليه .
4- ترخيص Asic وهو ترخيص لهيئة الرقابة الاسترالية .
5- ترخيص finma هيئة الرقابة السويسرية .
6- ترخيص cysec هيئة الرقابة المالية في قبرص .

ازاي اعرف شركات الفوركس النصابة وازاي أتأكد من التراخيص بتاعتها حقيقية ولا مضروبة

خلي بالك لأن ساعات بتلاقي شركات وساطة حط شهادات وبتكون مزورة وعشان تعرف الشركة دي مضمونة ولا لأ
هتدخل علي الموقع ده https://register.fca.org.uk
وتكتب اسم الشركة وتبحث عنها ، لو لقيت نتائج لها ولقيت الشهادة تعرف انها مرخصة وهتلاقي التراخيص بتاعتها كاملة ،  لكن لو مالقيتش التراخيص او اي نتائج عنها اعرف انها شركة نصابة ومزورة التراخيص بتاعتها .

– موقع لفحص تراخيص nfa الأمريكي رابط موقع الفحص . ولو مالقيتش نتيجة باسم الشركة تعرف انها شركة نصابة او تراخيصها مزورة ومضروبة .
– موقع لفحص التراخيص من asic هيئة الرقابة الاسترالية لفحص تراخيص الفوركس .
– موقع هيئة الرقابة المالية السويسرية finma لفحص تراخيص الشركة  وموقع مهم لان كل الاموال بتصب في سويسرا .
– موقع هيئة رقابة الاموال القبرصية cysec  لفحص تراخيص شركات الفوركس الموثوقة .

وتقريبا هي نفس طريقة الفحص انت هتبحث عن الموقع وبعدين هتشوف لو لاقيت تراخيص لها اعرف انها موثوقة والعكس صحيح.
كده احنا لخصنا حتة التراخيص دي بقي نروح لحتة تانية .

التأكد من مصداقية شركة االفوركس :

– هتبحث عن الشركة في محيطك من مواقع وجروبات علي جميع مواقع التواصل عشان تعرف الشركة نصابة ولا سمعتها كويسة.
– هتروح كل المنتديات المشهورة والجروبات المشهورة وكذلك علي التليجرام والبحث في جوجل ويوتيوب عن كل مايخص الشركة.

انتشار حالات النصب في الفوركس وهذه هي اكثرها شيوعا

– هتشوف عمولة الوسيط علي العملات  الاسبريد واحسن الشركات اللي الاسبريد بتاعها 0 .
– الايداع والسحب في الشركة دي من اهم النقط اللي لازم تخلي بالك منها هي الشركة بتاخد عمولة في الايداع والسحب ولا لأ ،
وكمان ايه هي سرعة السحب والايداع فيها وهل بيحصل مشاكل عند الايداع والسحب بها .

– سرعة التنفيذ في البيع والشراء علي العملات ودي اهم شء في شركة الفوركس .
– لازم تشوف وسيط الفوركس ده بيسمح بالتداول في بلدك ام لا .
– معرفة خدمة واستجابة خدمة العملاء لدي شركة الفوركس هل جيدة أم لا .

– أهم نقطة هاكلمك فيها انك تشوف وكيل كويس ليك في الشركة عشان لو الشركة سرقتك ودي بتحصل مع اي شركة الوسيط هو        اللي هيجيبلك حقك فشوف وكيل مضمون سجل تحته . وبكده اكون لخصت لك ازاي تختار وسيط فوركس للتداول .

أضف تعليق