انتشار حالات النصب في الفوركس وهذه هي اكثرها شيوعا

اليوم هناك الكثير من حالات النصب المنتشرة في الفوركس تجدها منتشرة في جروبات التداوال الشهيرة سواء ف الفيس ، او علي جروبات التليجرام وهناك العديد من حالات النصب التي يتم اصحابها بالاعلان عنها وهناك ايضا الكثير من حالات لا يتم الاعلان عنها او ذكرها من المنصوب عليه خوفا علي سمعتهم .

أكثر حالات النصب شيوعا في مجال الفوركس العربي

طب ليه بقي في حالات نصب كثير منتشرة في واحنا كلنا بنسمع عنها في الجروبات وبنشوف ناس كتير اتنصب عليها .
من اكثر الحالات اللي بنسمع عنها في النصب علي العملاء بتكون بسبب الطمع بتوع ناس لسه داخله مجال الفوريكس ده جديدة ومش فاهمة فيه اي حاجة فبتروح لناس يتداول ليهم مقابل نسبة من الارباح وبيقعوا دائما مع ناس نصابين للأسف .

كيفية اختيار افضل نظام وأحسن استراتيجة في الفوركس

وهو بتكون معلوماته قليلة عن مجال الفوركس وبيكون خايف يخسر فلوسه فبدل مايروح يتعلم التداول بيروح يدور علي واحد يشغل له الفلوس بتاعته بنسبة او واحد ياخد منه توصيات وده اللي بيوقعه في النصابين .

1- مديرين الحسابات النصابين

ودول المنتشرين كثيرا في محيطنا العربي تلاقي واحد بيقولك تعال حط فلوسك معانا بنظام ربح ثابت 100% او امثر من ذلك مقابل نسبة محددة من الارباح فيهرع الضحية الي النصاب ويعطيه المال لكي يقوم النصاب بسرقته بعدة حالات اولها تصفير حسابه
في عمليات بيع وشراء خاطئة ثم يقوم بعمل هيدج بحساب اخر له في نفس الشركة وتذهب جميع اموالك تصب في حسابه
وهنا مثلا يخش في عملية شراء لليورو دولار في حسابك فيخسر فيروح يعوض الخسارة من حسابه ويدخل بيع وكده انت خسرت فلوسك وهو كسبها .

– او النصاب الصريح اللي بيقولك حولي الفلوس وهوب فص ملح وداب وده بيحصل كثير جدا .

2- جروبات التوصيات النصابين علي تليجرام والفيس

وما أكثرهم هذه الأيام وخصوصا انتشارهم الملحوظ بكثرة في جروبات التليجرام ، ودايما تلاقيهم بينشروا صفقات رابحة 100% او ارباح ب300% من الحساب وهو للاسف نصاب كاذب ومحتال ويبدع في الحتيال علي المتابعين الجدد ، حيث يقوم بنشر صفقة رابحة في حسابه ثم ارباح الصفقة بعد الخرج منها .

ودائما مايطالب بالانضمام لجروب مدفوع للتوصيات بمقابل شهري ويغريك بالصفقات الزرقاء فيسيل لعابك انت علي هذه الارباح ،
فتهرع للاشتراك في تلك الجروبات ولكن بعد دخولك لك تجد ان الحقيقة غير ذلك تجد ان صفقة واحدة رابحة وعشر صفقات خاسرة
وتخسر جميع امموالك في اتباع هذه التوصيات التي لاتسمن او تغني من جوع .

3- شركات الفوركس النصابة (غير مسجلة )

ودي شركات كتيرة جدا بتغريك ببونص علي الايداع او كاشا باك 100% علي ارباحك وعقود التداول ، ودايما هتلاقي فريق الشركة هو اللي بيتواصل معاك عشان تسجل في الشركة وبيغريك بالعروض ، وانت اول ماتسجل هتلاقي الصفقات ماشية كويس ،
وبعدين هوب دبل كيك حسابك اتصفر وصفقات اقفلت وحاجات عبيطة وتكلم الدعم يقولك اصل الصفقات ضربت الستوب لوز
او ده بسبب فرق الاسبريد وعدم ادارة راس المال ، ولكن كل ده غير حقيقي لانك كنت شغال براس مال وعارف كل حاجة .

بس ارجع واقولك ان انت السبب في كده انك دخلت في شركة مفيهاش اي تراخيص وشركات مغمورة .

كيفية اختيار وسيط فوركس جيد لبدء التداول

الخلاصة في الفوركس لكي لاينصب عليك 

بص ياصاحبي اللي هاحكيهولك ده بعد تجربة اكثر من خمس سنين في الفوركس ، لو عايز تخش الفوركس افتح حساب تجريبي
وابدء تطبيق الاستراتيجات في مدة سنة واحدة وخد الفوركس هواية بجانب شغلك الاساسي وانس موضوع الفلوس واقعد سنة جرب استراتيجيات فوركس لغاية ماتتقن التداول بادارة راس المال وبعد سنة تفكر تدخل بحساب حقيقي مش اقل من سنة .
ممكن بدره تدخل تنسخ ناس في الفوركس ويكونوا ناس مشهورة ، زي شادي شطا (شادي سوفت ) ، او haitham sabry mohamed ، وفي ناس كثيرة شهورة في مجال النسخ لكن بدك حوالي 1000$ عشان تدخل النسخ .

أضف تعليق