كيفية اختيار افضل نظام وأحسن استراتيجة في الفوركس

التداول في سوق العملات الرقمية اليوم وسوق الفوركس يحتاج منك إلي ذكاء شديد وصبر والقدرة علي لتعلم واكتساب المزيد من المعرفة وخاصة في ظل التذبذب الشديد في السوق نتيجة للاخبار السلبية في ظل انتشار وباء كورونا .

واذا ما أردت الاستمرار في هذا السوق الذي البقاء فيه لأقوي وخاصة حيتان المتداولين من عتاولة السوق الذين يتغذون علي الاسماك الصغيرة مننا نحن واموالنا التي تصب في حساباتهم ، فإذا ما اردت الأستمرار يجب عليك ان يكون لديك نظام قوي للتحكم في عملية التداول الخاصة بك .

ماهو تعريف النظام بالفوركس

فالنظام هنا لايعني استراتيجية التداول فقط فإن استراتيجية التداول هي تكون عبارة عن جزء من النظام وعشان ابسط لك الموضوع ده النظام عامل زي المركب الكبيرة كده اللي عشان تمشي محتاجة بوصلة البوصلة دي هي الاستراتيجية ، لكن المركب محتاج قبطان يعرف يقرأ الخرايط ويعرف ازاي يمشي بالمركب ويقيس سرعة الرياح .

ومابيمشيش كده بالمركب بلاليصي لأ ده بمشي في اتجاه محدد من النقطة أ الي النقطة ب وبيلغ هو ماشي بالمركب اذاي عشان لو قد الله حصل حاجة بيكون معاه غفر السواحل يلحقه وكده .

كيفية اختيار وسيط فوركس جيد لبدء التداول

أهو انت بالظبط في الوركس عامل زي القبطان عشان تنجح لازم تكون متعلم كويس وفاهم كل كبيرة وصغيرة في المركب بتاعك ونظامه وازاي هتمش في البحر والبوصلة هي الاستراتيجية بتاعتك ، ولو حصل روب هتقفل الصفقات وترجع من الاول ..

ولا هتكمل للاخر لما المركب تغرق ، انا عارف اني عقدتك وبقول كلام كبير ، بس لازم اكون صريح معاك سيبك من اللي قالك انك لو عايز تكون مليونير روح اشتغل في الفوركس تبقي غلطان لان الفوركس مجال لازم تدخله وانت متعلم لان مالوش كبير .

تجربتي في خسارة فلوس في الفوركس

وزي مافيه ارباح فيه خسارة وأنا شخصيا خسرت في الفوركس كتير لأنه غدار وده غالبا بيكون بسبب اخبار بتعكس عليا لكن اكبر خسارة بتكون بسبب تصرفات ترامب وهو اكتر واحد خسرني في الفوركس يعني مثلا في 2017 كنت فاتح صفقات كسبانة وفي عضها فيه خسارة وده كان يوم اربعاء وياريتني قفلتها بالخسارة .

لكن يوم الخميس بالليل كنت تعبان ومكملتش متباعة ونمت ، المهم انا نمت من هنا وترامب ضرب مطار الشغور من هنا وكله قالك بس ده ترامب داخل يحابر في سوريا وهوب كل العملات عكست والذهب طار لفوق هو البترول وكل ده وانا نايم قمت لقيت حسابين ليا اصفار مع خسارة 500 دولار ، طبعا انا تغبت من الخسارة دي ومبنسهاش وقعدت فترة كبيرة بعيد عن الفوركس بسببها .

عشان كده بقولك ان الفوركس ده مجال مالوش كبير في الخسارة زي ممالوش كبير في الارباح لان ممكن يعكس عليك شهور وسنين لم تبيع كل اللي وراك واللي قدامك في الفوركس .

اختيار نظام تداولك

يجب عليك ان تقوم باختيار نظام جيد لك يتماشي مع تداولك ولفعل هذا يجب عليك ان تقو بالتداول فترة تجريبية من وجهة نظري مدة لاتقل عن عام ، انا عارف انها مدة كبيرة وفي ناس بتقولك اتعلم 3 شهور علي تجريبي لكنهم غلطانين انا رايي سنة ليه ….

لأن مفيش حد بيتعلم المشي في ثلاثة شهور لازم يقعد وبعدين يحبي وبعد ده يبدأ يمشي  يعني بيمشي تاتة تاتة ويقف ويوقع مرة واتنين وتلاثة ..
مفيش حد بيتولد يوقوم يتنطط لازم تعرف كد والفوركس كل ماتعطيه وقت ومجهود وتتعلم اكثر كل مايعطيك ارباح .
وفيه كلمة واحد قالهالي ومبنسهاش قالي ابدأ بالتجريبي وافتح حساب واخسر واتعلم ايه سبب الخسارة يعني افتح صفقات خاسرة بس عشان تتعلم سبب الخسارة ايه هي .

نفسية قوية نصيحك لو نفسيتك ضعيفة ، متدخلش مجال التداول ده لأنه محتاج صبر وتحمل علي المكسب والخسارة ولازم تكون اعصابك حديد عشان تدخل مجال التداول ده .

أضف تعليق